Boxycharm - September

       რამოდენიმე პოსტის უკან, დავწერე, თუ რა არის Boxycharm. უკვე რამოდენიმე თვეა, ყოველი თვის ბოლოს ვიღებ ხოლმე ყუთს 6-7 პროდუქტით და ყოველ ჯერზე მგონია, რომ ახალი წელია :) რადგან არ ვიცი, თუ რა იქნება ყუთში, ამიტომ მოუთმენლად ველი ხოლმე მას და ძალიან ვხალისდები.

სექტმებრის თვის ყუთი ასე გამოიყურება

1. Argan Magic - Restorative Hair Mask - დამატენიანებელი და დაზიანებული, მშრალი თმის აღმდგენი ნიღაბი.

რადგან მშრალი თმა არ მაქვს და არც დაზიანებული, რადგან არ ვიღებავ და ბუნებრივად ვიშრობ ხოლმე, ამიტომ ხშირად არ გამომიყენებია. რამოდენიმეჯერ თმის ბოლოებზე წავისვი და ძალიან დამირბილა. სასიამოვნო შეგრძნება მქონდა თმაზე. ამდენად, შეიძლება ითქვას, რომ ამ პროდუქტმა გაამართლა.

2. Maybelline - New York - Baby Lips - 90 - Yummy Plummy - ტუჩის ვარდისფერი ბალზამი.

აღმოჩნდა, რომ ლიმიტირებული კოლექციიდან არის. დიდად არაფერს ცვლის, მაგრამ ყოველთვის მსიამოვნებს, როდესაც რაღაც მაქვს, რასაც ნებისმიერ დროს სხვა ვერ მოიპოვებს :) 

ძალიან კარგი პროდუქტია, აუცილებელიც კი, განსაკუთრებით ცივ სეზონებზე, როდესაც ტუჩების დახეთქვის ალბათობა დიდია. პიგმენტაცია ისეთი კარგი აქვს, რომ მხოლოდ, ამ ტუჩსაცხითაც შეიძლება გარეთ გასვლა :) ჩემს შემთხვევაში :)

3. Essie - Bouncer, it's me - ლურჯი ფერის ფრჩხილის ლაქი, რომელიც ისე შრება, რომ სხივი საერთოდ არ აქვს. ასეთი შედეგი მე არ მომწონს, ამიტომ, ზედა გამჭვირვალე ფენას ვისვამ ხოლმე.

4. L'oreal Paris - The One Sweep Sculpting Blush Duo - ამ რუმიანისა და ბრონზერის ერთობლიობამ არ გაამართა. ძალიან დიდი ძალა მჭირდება იმისათვის, რომ ფუნჯზე გადავიდეს პროდუქტი და მერე სახეზე შედეგი შემეტყოს.

5. Nyx - Triple Eyeshadows for Sexy Eyes Only - Opal/Platinum Silver/Luster  - არჩვეულებრივი 3-ფერიანი თვალის ჩრდილების ნაკრებია. საკმაოდ კარგი ხარისხის ჩრდილებია.

6. Nyx - Sheer Gloss - მუქი ვარდისფერი/შინდისფერი ტუჩის საცხია, რომელიც საკმაოდ კარგი კონსისტენციისაა. არ აქვს წებოვანი შეგრძნება, რომელსაც ვერ ვიტან. თავზე თავისი ჩოთქი აქვს, რაც მის წასმას უფრო ადვილს ხდის. შემოდგომის სეზონისათვის ძალიან კარგი ფერია.

ბონუსად ყუთში იყო Laface -ს ფირმის ტანის ლოსიონის ნიმუში, რომელიც ნორმალური იყო. ერთი წასმით განსაკუთრებული მახასიათებლები არ შემიმჩნევია.

ამდენად, მე კმაყოფილი ვარ ამ თვის ყუთითაც, რადგან ძალიან მიყვარს ახალი პროდუქტების გამოცდა და მათზე დაკვირვება. ამასთან, ჩემ კოლექციას ემატება ახალ-ახალი კოსმეტიკა :)

The Midnight Lace Set

ვაგრძელებ Sedona Laсe - ის მაკიაჟის ფუნჯების თემას The Midnight Lace Set - ზე საუბრით.

აღნიშნული ნაკრები კარგი არის თხევადი პროდუქტების წასასმელად. ფუნჯის ღეროები ნაკლებად ტოვებს კვალს კანზე ხაზების სახით და უანკლო შედეგს იძლევა, თუ რა თქმა უნდა ტონალურიც ხელს უწყობს.

ნაკრებში შედის:

1. Kabuki brush - Midnight Lace - მემგონი ექსკლუზიურად ამ ნაკრებისათვის არის შექმნილი, თუმცა ცალკეც იყიდება. განსაკუთრებით კარგია მოგზაურობისას, როდესაც ცდილობ კომპაქტურად მოთავსდე ჩემოდანში :) შესაძლებელია გამოყენებული იქნას, როგორც ტონალურის წასასმელად, აგრეთვე - პუდრის. ეფექტურია მინერალური პროდუქტების წასასმელადაც. მე, რატომღაც ხშირად არ ვიყენებ ამ ფუნჯს.

2. Synthetic Round Top Powder Brush - 480 - მიუხედავად იმისა, რომ პუდრის ფუნჯად არის გათვლილი და სახელწოდებაც შესაბამისი აქვს, მე ტონალურის წასასმელად ვიყენებ და ვთვლი, რომ ტონალურისთვის ყველაზე კარგი ფუნჯია ჩემი კოლექციიდან.

3. Synthetic Flat Top Powder Brush - 928 - ძალიან კარგად გამოყენებადია პუდრის წასასმელად, რათა მაკიაჟი დააფიქსირო კანზე. პროდუქტი სახეზე უნდა წაისვა დაპრესვის მეთოდით. ვცადე ტონალურის წასმაც, მაგრამ არ მომეწონა შედეგი. გრძელი ღეროები აქვს და დიდხანს მოვუნდი ძალის დატანებით შედეგის მიღწევას. თუმცა, ამბობენ, რომ ამ მიზნითაც კარგია, უბრალოდ, მე ვერ გამოვიყენე.

4. Synthetic Angled Top Powder Brush - 602 - ყველაზე მეტად მომწონს კონტურის გასაკეთებლად. ფუნჯის დახრილობა მაძლევს საშუალებას ლოყის ქვედა მხარეს კარგი მოხაზულობა გავაკეთო სახის ფორმის მისაცემად. ძალიან რბილია, თუმცა ამავდროულად ბევრი ღერო აქვს, შესაბამისად, კარგ შედეგს იძლევა.

ამ ნაკრების ფასი არის 49.95$, თუმცა ფასდაკლების დროს, ძალიან კარგი შენაძენი იქნება.

12 Piece Synthetic Professional Makeup Brushes With Brush Cup Holder

როგორც წინა პოსტში გითხარით, 12 Piece Synthetic Professional Makeup Brushes With Brush Cup Holder  გამოვიწერე Sedona lace-დან და ძალიან კმაყოფილი ვარ ჩემი შენაძენით. ამიტომ გადავწყვიტე დეტალურად ავღწერო ეს ნაკრები, თუ როგორი ფუნჯებისგან შედგება, სახის რა ნაწილზე გამოიყენება ისინი, რომელი ფუნჯი რა ტიპის პროდუქციაზეა ეფექტური და რეალურად, არის თუ არა გამოყენებადი ყველა მათგანი. 

1. Powder Brush - 376

ეს ფუნჯი საკმაოდ რბილია და ფაფუკი. არაჩვეულებრივია პუდრის წასასმელად, რათა მაკიაჟი დაფიქსირდეს კანზე. საკმაოდ დიდია იმისათვის, რომ მთელი სახე დაფაროს 2-3 წასმაზე. ასევე, შესაძლოა გამოყენებული იქნას სახეზე რუჟის გადასანაწილებლად და მკერდისა და ყელის მიდამოებში ლამაზი, ოქროსფერი ფერის მისაღებად.

2. Duo Fibre Brush - 813

ფუნჯის აღწერილობის თანახმად, იგი შექმნილია მაკიაჟის ძალიან მსუბუქი ვერსიისათვის, კერძოდ, ლოყებზე რუმიანის (ე.წ. blush. შესატყვისი ქართული სიტყვა არ ვიცი :-)) მკრთალი ფერის მისაღებად. შესაძლოა, ხელის თითების მოჭერით ფუნჯს მიეცეს სასურველი ფორმა და კარგი იქნება ბზინვარის (ე.წ. highlighter) წასასმელად.

ჩემთვის ეს ფუნჯი საკმაოდ უფუნქციოა, რადგან ძალიან დიდია იმისათვის, რომ ლოყის ტერიტორიაზე ზუსტად წაისვა პროდუქტი ისე, რომ სახის სხვა ნაწილზე არ გადახვიდე, ამასთან, იმდენად თხელი ღეროები აქვს, რომ პროდუქტი იკარგება საერთოდ. ერთადერთი დანიშნულება, რაც მოვუძებნე არის ის, რომ როდესაც მაკიაჟის გაკეთებას დავასრულებ, ამ ფუნჯით, საბოლოოდ, ვინაწილებ მაკიაჟს სახეზე, რათა სადმე არ აღმოჩნდეს უფრო მეტი პროდუქტი, ვიდრე საჭიროა.

3. Foundation brush - 727

ეს არის ტონალურის კლასიკური ფუნჯი და გამოიყენება თხევადი და კრემის კონსისტენციის პროდუქტების წასასმელად. გასნაკუთრებით ეფექტურია, როდესაც პროდუქტის წასმა ხდება დაპრესვის ტიპის მოძრაობით, რაც სახეზე ფუნჯის ღეროების მიერ ხაზების დატოვების თავიდან აცილების გარანტია.

თავდაპირველად, მეც ამ ტიპის ფუნჯით ვისვამდი ტონალურს, თუმცა აღმოვაჩინე, რომ ისეთი ეფექტური არ არის, როგორც სხვა ფუნჯი, რომელზედაც საუბარი მექნება შემდგომ პოსტში. ამ ფუნჯით უფრო მეტი დრო მჭირდებოდა ტონალურის სახეზე გადასანაწილებლად და მგონი, უფრო მეტი პროდუქტიც.

უკვე იშვიათად ვიყენებ, მხოლოდ, სახეზე კონტურის გასაკეთებლად, როდესაც კრემ-რუჟს ვხმარობ.

4. Large Angle Contour Brush - 850

ეს კუთხური ფორმის ფუნჯი შეიძლება ითქვას, რომ ჩემი ყველაზე საყვარელი ფუნჯია. არაჩვეულებრივი ფორმაა კონტურის გასაკეთებლად. ზუსტად ერგება ლოყის ქვედა ხაზს. ასეთივე ეფექტურია რუმიანის წასასმელადაც. ამ ფუნჯის პატარა ვერსია ცხვირის კონტურისათვის ყველაზე ეფექტური ფუნჯია.

5. Concealer Brush - 954

ამ ფუნჯს აქვს მრავალფუნქციური დატვირთვა. შეიძლება გამოყენებული იქნას როგორც კორექტორის, დამფარავის (concealer) წასასმელად, ისე - თვალის ჩრდილის. გამოიყენება პროდუქტის ასაღებად ბრტყელი გვერდით, ხოლო სახით წვრილ ადგილებში, კუთხეებში - წვერის მეშვეობით. მე, მხოლოდ, თვალის კრემოვანი ჩრდილების წასასმელად ვიყენებ ხოლმე.

6. Medium Angled Shadowing Brush - 407

ფუნჯი გამოიყენება, როგორც მთლიან თვალზე ჩრდილის წასასმელად, ისე - მის გასამკრთალებლად. კუთხური ფორმა იდეალურია თვალის გარე კუთხესთან სამოქმედოდ, აგრეთვე, ქუთუოს შუა ხაზზე, სადაც მეტ-ნაკლებად, ნაკეცი კეთდება. როგორც ზემოთ ავღნიშნე, ამ ტიპის ფუნჯი ძალიან ეფექტურია ცხვირის კონტურის დრო, ამდენად, ამ მიზნითაც შეიძლება მისი გამოყენება.

7. Small Angled Brush - 561

ეს ფუნჯი გამოიყენება ლაინერის წასასმელად, ან წარბების დასახატად. რადგან მე ისედაც ხშირი წარბები მაქვს, მის შევსებას არ ვაკეთებ ხოლმე, ამდენად, მხოლოდ გელ-ლაინერის წასასმელად ვიყენებ ხოლმე. 

8. Large Shader Brush - 941

გამოიყენება, როგორც კორექტორის, თვალის მაკიაჟის ბაზის, ისე თვალის ჩრდილის წასასმელად. აგრეთვე, შესაძლებელია მცირე ზომის ადგილებზე (მაგალითად, ტუჩის ზედა ნაწილი) ბზინავის წასმაც. ისეთი ზომისაა, რომ თვალს მთლიანად ფარავს ერთი წასმით. მე ყველაზე უფრო ჩრდილებისათვის ვიყენებ.

9. Tapered Blending Brush - 863

თვალის ფუნჯებიდან ეს არის ჩემი ყველაზე საყვარელი ფუნჯი :-) 

როგორც სახელწოდებიდანაც სჩანს,  იგი გამოიყენება ჩრდილების გასამკრთალებლად, ფერების შესაზავებლად. მიმაჩნია, რომ თვალის კარგი მაკიაჟის გაკეთება წარმოუდგენელია ამ ტიპის ფუნჯის გარეშე. შესაძლოა გამოყენებული იქნა თვალის ქვეშ კორექტორის წასასმელადაც.

10. Pencil Brush - 904

ფუნჯი გამოიყენება თვალის ქვედა ხაზზე პროდუქტის წასასმელად, ლაინერის გასამკრთალებლად. არაჩვეულებრივია ე.წ. smokey მაკიაჟისათვის. აგრეთვე, შესაძლოა გამოყენებული იქნას ტუჩზე პომადის წასასმელადაც.

11. Eye Shading Brush - 305

ამ ფუნჯს საკმაოდ მოკლე ღეროები აქვს, ამდენად, კარგად კონტროლდება თვალის ჩრდილის რაოდენობა და გადანაწილება ქუთუთოზე. თუ დაპრესვის მეთოდით  წავისვამთ ჩრდილს, თავიდან ავიცილებთ თვალის ქვეშ ზედმეტი პროდუქტის ჩამოცვენის ალბათობას.

12. Eyeliner Brush - 772

ფუნჯი გამოიყენება ლაინერის წასასმელად, განსაკუთრებით ფრთიანი ლაინერისათვის (winged liner). მიჩნეულია, რომ დამწყებთათვის, ვინც არ იცის ლაინერის წასმა, ეს ფუნჯი ყველაზე ეფექტურია, რადგან ხშირი და მჭიდრო ღერები აქვს, რითაც ადვილად კონტროლირებადს ხდის მას. აგრეთვე, შესაძლოა გამოყენებულ იქნას გამონაყარის წერტილოვანი დაფარვისათვის.

ამასთან, აუცილებელია გვახსოვდეს, რომ ფუნჯების დანიშნულება არ არის შეზღუდული სახის კონკრეტული ზონით. ისინი შესაძლოა ეფექტურად გამოყენებული იქნას სხვადასხვა დანიშნულებით. ამის საჭიროება თავად უნდა განსაზღვროთ ან შესაძლოა იძულებული გახდეთ, როგორც ჩემს შემთხვევაში, თუ ნაწილი გასარეცხია :-).

ყველა სურათი აღებულია www.sedonalace.com - დან.